Великомученик и целитель Пантелеимон - день памяти 09.08 н.ст. (27.07 ст.ст.)

	Икона св.Пантелеимона. 1164 г. Церковь св.мвч.Пантелеимона. Нерези, Скопье, Македония

	Икона вмч. и целит.Пантелеимона на фоне Пантелеимонова Афонского монастыря

	Святой вмч. и целитель Пантелеимон

	Вмч.и целитель Пантелеимон

	Икона св.Пантелеимона в Успенском храме Николо-Угрешского монастыря

	Икона вмч.Пантелеимона в храме Рождества Христова в с.Осташково Мытищинского р-на Московской обл.

Тропарь, глас 3:

           Страстотерпче святый и целебниче Пантелеимоне, моли милостивого Бога, да прегрешений оставление подаст душам нашым.

Кондак, глас 5:

           Подражатель сый Милостиваго, и исцелений благодать от Него прием, страстотерпче и мучениче Христа Бога, молитвами твоими душевныя наша недуги исцели, отгоня присно борца соблазны от вопиющих верно: спаси ны, Господи.

Величание:

           Величаем тя, / страстотерпече святый великомучениче и целебниче Пантелеимоне, / и чтим честная страдания твоя, / яже за Христа / претерпел еси.


Молитва 1-я (наедине от лица болящего чтомая):

           О, великий угодниче Христов, страстотерпче и врачу многомилостивый Пантелеимоне! Умилосердися надо мною, грешным рабом, услыши стенание и вопль мой, умилостиви Небеснаго, Верховнаго Врача душ и телес наших, Христа Бога нашего, да дарует ми исцеление от недуга, мя гнетущаго. Приими недостойное моление грешнейшаго паче всех человек. Посети мя благодатным посещением. Не возгнушайся греховных язв моих, помажи их елеем милости твоея и исцели мя; да здрав сый душею и телом, остаток дней моих, благодатию Божиею, возмогу провести в покаянии и угождении Богу и сподоблюся восприяти благий конец жития моего. Ей, угодниче Божий! Умоли Христа Бога, да предстательством твоим дарует здравие телу моему и спасение души моей. Аминь.

	Икона вмч.Пантелеимона с житием в нижнем приделе монаст.храма Б.М. "Всецарица" к.Краснодар.

	Мозаичная икона вмч. и целит. Пантелеимона на северной стороне монаст. храма "Всецарица" г.Краснодар.

Молитва 2-я:

           О, великий Христов угодниче и преславный целебниче, великомучениче Пантелеимоне, душею на небеси Престолу Божию предстояй и Триипостасныя Его славы наслаждаяйся, телом же и ликом святым на земли в божественных храмах почиваяй и данною ти свыше благодатию различная источаяй чудеса! Призри милостивым твоим оком на предстоящия люди и честней твоей иконе умильно молящияся и просящия от тебе целебныя помощи и заступления: простри ко Господу Богу нашему теплыя молитвы и испроси душам нашим оставление согрешений. Се бо мы, за беззакония наша не смеюще возвести очес наших к высоте небесней, ниже вознести глас молебный к Его в Божестве непреступней славе, сердцем сокрушенным и духом смиренным тебе ходатая милостива ко Владыце и молитвенника за ны грешныя призываем, яко ты приял еси благодать от Него недуги отгоняти и страсти исцеляти.
Тебе убо просим: не презри нас недостойных, молящихся тебе и твоея помощи требующих, буди нам в печалех утешитель, в недузех лютых страждущим врач, напаствуемым скорый покровитель, очесы недугующим прозрения податель, ссущим и младенцем в болезнех готовейший предстатель и исцелитель; исходатайствуй всем вся, яже ко спасению полезныя, яко да, твоими ко Господу Богу молитвами, получивше благодать и милость, прославим всех благих источника и дарователя Бога, Единаго в Троице Святей славимаго, Отца и Сына и Святаго Духа, ныне и присно и во веки веков. Аминь.


Молитва 3-я:

           Святый великомучениче и целителю Пантелеимоне, Бога милостиваго подражателю! Призри благосердием и услыши нас, грешных, пред святою твоею иконою молящихся.
Испроси нам у Господа Бога, Емуже со ангелы предстоиши на небеси, оставление грехов и прегрешений наших. Исцели болезни душевныя же и телесныя рабов Божиих, ныне поминаемых, зде предстоящих и всех христиан православных к твоему заступлению притекающих.
Се бо мы, по грехом нашим люте одержимы есмы многими недуги и не имамы помощи и утешения, к тебе же прибегаем, яко дадеся ти благодать молитися за ны и целити всяк недуг и всяку болезнь.
Даруй убо всем нам святыми молитвами твоими здравие и благомощие души и тела, преспеяние веры и благочестия и вся к житию временному и ко спасению потребная. Яко да, сподобившеся тобою великих и богатых милостей, прославим тя и Подателя всех благ, дивнаго во святых, Бога нашего, Отца и Сына и Святаго Духа. Аминь.

	Старинная икона великомуч. Пантелеимона в жен. мон-ре "Всецарица" г.Краснодар

	Икона вмч. и целителя Пантелеимона на колоколе в женском мон-ре ,,Всецарица,, г.Краснодар

Молитва 4-я:

           0, преславный мучениче и доблий воине Небеснаго Царя, Пантелеимоне всеблаженне, Милостиваго Бога преизрядный подражателю, иже Христа на земли дерзновенно исповедав и многообразныя за Него муки претерпев, неувядаемый приял еси венец на небеси, идеже вечнаго наслаждаешися блаженства и со дерзновением Престолу Трисолнечнаго Божества предстоиши!
К твоему Христоподражательному состраданию по Бозе прибегаем вси мы грешнии и всеусердно молим тя, теплаго заступника и предстателя нашего: не престай призирати на нас, сущих в нуждех и скорбных обстояниих, и твоею молитвенною помощию и цельбоподательною силою избавляй нас присно от лютых зол, всегубительства и всякия иныя беды и болезни. Ты бо приял еси, святе, неоскудную благодать исцелений от Спаса нашего Иисуса Христа за твердую твою к Нему веру, при чистом и непорочном житии, запечатленную мученичеством и многопобедною твоею кончиною, в нейже по данней ти благодати и наименован от Христа Пантелеимоном, милости тезоименитым, милующим всех притекающих к тебе в скорбех и болезнех. Сего ради ведуще тя милостиваго ко всем помощника и исцелителя, с верою взываем к тебе, услыши нас и богоприятным ходатайством твоим подавай нам вся благопотребная в житии сем и нужная к вечному спасению. Мученическим же дерзновением твоим умоли Милостиваго Бога, да помилует нас, грешных и недостойных, по велицей милости Своей, да избавит от труса, потопа, огня, меча и всякаго праведнаго гнева и прещения, благовременне подвизая нас к очистительному и умилостивительному во гресех наших покаянию, ради множества щедрот Своих, да подаст всем нам безбедное, тихое и богоугодное житие, и всех нас от врагов видимых и невидимых да сохранит благодатию Своею и непобедимым ополчением ангел Своих, имиже ограждаеми и наставляеми да поживем в веце сем в покаянии, чистоте и в творении богоугодных дел; да сподобимся твоим теплым предстательством христианскую кончину улучити безболезненну, мирну, непостыдну, избавитися от козней воздушных князей тьмы и от вечныя муки и быти наследниками безконечнаго, всеблаженнаго царствия. Ей, угодниче Божий! Не престай молитися за ны грешныя, да, твоим ходатайством временных и вечных бед избавлени, величаем тебе, заступника нашего и молитвенника, и вечно прославляем общаго Владыку и Господа нашего Иисуса Христа, Емуже подобает всякая слава, честь и поклонение со Безначальным Его Отцем и Пресвятым Духом, ныне и присно и во веки веков. Аминь.

Молитва 5-я (благодарственная, по исцелении от болезни):

           Святый великомучениче, целителю и чудотворче Пантелеимоне, всеизрядный угодниче Божий и молитвенниче присный христиан православных! Достойно наречен еси Пантелеимоном, еже есть всемилостивый, яко приняв от Бога благодать молитися за ны и болезни целити, ты богатно подаеши всем, к тебе притекающим, различная исцеления и вся к жизни временней и ко спасению потребная. Сего ради и мы, недостойнии, сподобившеся твоея милости, паки пред святою твоею иконою прибегаем к тебе, и прославляюще тя, яко искренняго угодника Божия, нашего же вернаго молитвенника и исцелителя, усердне благодарим тя и Подателя всех благ Господа Бога нашего о великих благодеяниих, от Него тобою нам бывших.
Приими убо милостивно малое сие молитвенное благодарение наше, зане не имамы ино что по достоянию воздати тебе, и прочее время живота нашего не лиши нас, немощных и грешных, твоея помощи и молитвеннаго ходатайства у Господа Бога нашего, Емуже подобает всякая слава, благодарение и поклонение, Отцу и Сыну и Святому Духу, ныне и присно и во веки веков. Аминь.

Русский Пантелеимонов монастырь на Афоне	Святыни соборн.храма св.вмч.и целит.Пантелеимона - глава св.Пантелеимона и частички мощей святых . Афон, Русский Пантелеимонов монастырь
Афонское подворье Свято-Пантелеимонова монастыря в Москве	Храм вмч.целителя Пантелеимона на территории Районной больницы в г.Пушкино Московской обл.
Церковь св.вмч.и целителя Пантелеимона в Жуковском	Храм во имя целителя Пантелеимона при Черноголовской больнице
Святейш.Патриарх Алексий II освящает храм в честь целителя Пантелеимона при Центральном клиническом госпитале ФСБ	Храм в честь вмч. и целителя Пантелеимона в г.Краснодаре
Свято-Пантелеимоновский храм в г.Харькове	Интерьер храма в честь св.вмч.Пантелеимона в ст.Голубицкой Темрюкского р-на Краснодарск.края
Придел св.вмч.Пантелеимона в Казанско-Богородицкой церкви. Казань.	Храм Воскресения Христова в Сокольниках, в к-ром имеется икона и частица мощей вмч.Пантелеимона
Храм вмч. и целителя Пантелеимона в ст.Голубицкой Темрюкского р-на Краснодарс. края	Мощевик с частицами мощей св. угодников Божиих в монастыре,,Всецарица,, г Краснодара. Имеется частица мощей св.Пантелеимона
Источник вмч. и целителя Пантелеимона в Дивеево.	Собор вмч.Пантелеимона в Симоно-Кананитском монастыре. Новый Афон, Абхазия.
Церковь Пантелеимона целителя в санатории им.Герцена в Одинцово, Москва.	Часовня целителя Пантелеимона в Минусинске.
Часовня целителя Пантелеимона в Отрадном в Москве.	Часть мощей вмч.Пантелеимона - главная святыня Св.-Пантелеимонова монастыря г.Одесса.